પુત્રી દુઆ સાથે અનોખી રીતે કરી ખુશખબરની જાહેરાત
19 April 2026 : બોલીવૂડના લોકપ્રિય દંપતિ દીપિકા પદુકોણ ( Deepika Padukone) અને રણવીર સિંઘ (Ranveer Singh)એ તેમના ચાહકો સાથે એક ખુશખબર શેર કરી છે. રવિવારે તેમણે સોશિયલ મીડિયા પ્લેટફોર્મ Instagram પર પોસ્ટ શેર કરીને જાણકારી આપી કે તેઓ તેમના બીજા સંતાનની અપેક્ષા રાખી રહ્યા છે.
દંપતિએ શેર કરેલી તસ્વીરમાં તેમની પુત્રી દુઆ દેખાય છે, જે પોતાના હાથમાં પ્રેગ્નન્સી ટેસ્ટ કિટ પકડીને ઉભી છે અને તેમાં પોઝિટિવ પરિણામ દેખાઈ રહ્યું છે. આ પોસ્ટ સાથે દીપિકા અને રણવીરે માત્ર ઇવિલ આઈ ઈમોજી મુકીને તેમની ખુશી વ્યક્ત કરી હતી. પોસ્ટ શેર થયા બાદ સોશિયલ મીડિયા પર ફેન્સ અને સેલેબ્સ તરફથી શુભેચ્છાઓનો વરસાદ શરૂ થઈ ગયો હતો.
દીપિકા અને રણવીર લાંબા સમય સુધી એકબીજાને ડેટ કર્યા બાદ વર્ષ 2018માં ઇટાલીમાં લગ્ન બંધનમાં બંધાયા હતા. વર્ષ 2024માં તેમણે તેમની પહેલી પુત્રી દુઆનું સ્વાગત કર્યું હતું. જન્મના લગભગ બે મહિના બાદ, નવેમ્બર 2024માં, દંપતિએ તેમની દીકરીનું નામ જાહેર કર્યું હતું.
કારકિર્દીની વાત કરીએ તો, રણવીર સિંહ હાલમાં તેમની ફિલ્મ Dhurandhar 2ની સફળતાનો આનંદ માણી રહ્યા છે, જે રિલીઝના એક મહિના પછી પણ બોક્સ ઓફિસ પર મજબૂત પ્રદર્શન કરી રહી છે. બીજી તરફ, દીપિકા પડુકોણે પાસે આવનારા સમયમાં અનેક મોટા પ્રોજેક્ટ્સ છે. તે ટૂંક સમયમાં Shah Rukh Khan સાથે ફિલ્મ Kingમાં જોવા મળશે. ઉપરાંત, તે Allu Arjun સાથે કામ કરવા જઈ રહી છે.
આ રીતે, વ્યક્તિગત જીવનમાં ખુશીના પળો સાથે સાથે દીપિકા અને રણવીર વ્યાવસાયિક રીતે પણ સફળતાના શિખરો સર કરી રહ્યા છે.
www.gujaratupdates.com
