લિલાવતી હોસ્પિટલ GIFT City માં કેટલા રોકાણથી બની ?

₹700 કરોડના રોકાણ સાથે ગુજરાતમાં પ્રથમ પ્રવેશ, OPD સેવાઓ શરૂ

Gandhinagar, 21 April, 2026 Gujaratupdats.com Team: ગાંધીનગર સ્થિત GIFT City માં મુંબઈની પ્રતિષ્ઠિત લિલાવતી હોસ્પિટલ એન્ડ રિસર્ચ સેન્ટરે (Lilavati Hospital )પોતાની નવી મલ્ટી-સ્પેશિયાલિટી હોસ્પિટલના પ્રથમ તબક્કાનું સત્તાવાર રીતે પ્રારંભ કર્યું છે. આ સાથે જ સંસ્થા પ્રથમ વખત મહારાષ્ટ્રની બહાર પ્રવેશી છે, જે ગુજરાત માટે આરોગ્ય ક્ષેત્રમાં મહત્વપૂર્ણ વિકાસ માનવામાં આવે છે. હાલમાં લિલાવતી હોસ્પિટલ (Lilavati Hospital ) માં આઉટપેશન્ટ વિભાગ (OPD) સેવાઓ શરૂ કરવામાં આવી છે અને દર્દીઓ માટે દૈનિક કન્સલ્ટેશન ઉપલબ્ધ કરવામાં આવ્યા છે. શરૂઆતના તબક્કામાં પાંચ કન્સલ્ટેશન રૂમ અને નર્સિંગ યુનિટ કાર્યરત છે.

મફત આરોગ્ય કેમ્પથી શરૂઆત
લિલાવતી હોસ્પિટલ (Lilavati Hospital ) ના પ્રારંભ નિમિત્તે 20 એપ્રિલથી 20 મે, 2026 સુધી એક મહિનાનો મફત આરોગ્ય ચકાસણી કેમ્પ યોજાયો છે. આ કેમ્પમાં તમામ વર્ગના લોકો માટે નિઃશુલ્ક સારવાર અને તપાસની સુવિધા ઉપલબ્ધ રહેશે. ટ્રસ્ટીના જણાવ્યા અનુસાર, “પ્રથમ 30 દિવસ સુધી કોઈપણ દર્દી પાસેથી કોઈ ચાર્જ લેવામાં નહીં આવે,” જે આરોગ્ય સેવા સર્વસમાવેશી બનાવવા માટેનું મહત્વપૂર્ણ પગલું ગણાય છે.

ત્રણ તબક્કામાં વિકાસ
આ પ્રોજેક્ટને ત્રણ તબક્કામાં વિકસાવવામાં આવશે. આગામી ચાર મહિનામાં પ્રથમ તબક્કા હેઠળ આશરે 120 બેડ શરૂ થવાની શક્યતા છે, જ્યારે પૂર્ણ ક્ષમતા 300થી 375 બેડ સુધી પહોંચશે.હોસ્પિટલ સંપૂર્ણ રીતે 2027 સુધી કાર્યરત થવાની અપેક્ષા છે.

અદ્યતન સુવિધાઓ અને સેવાઓ
લગભગ 5.5 લાખ ચોરસ ફૂટ વિસ્તારમાં ફેલાયેલી આ હોસ્પિટલમાં આધુનિક આરોગ્ય સુવિધાઓ ઉપલબ્ધ કરાવવામાં આવશે. અહીં લગભગ 4,500 સ્ટાફ અને 500થી વધુ નિષ્ણાત ડૉક્ટરો સેવા આપશે. લિલાવતી હોસ્પિટલ (Lilavati Hospital ) માં કાર્ડિયોલોજી, ન્યુરોલોજી, ઑન્કોલોજી અને ક્રિટિકલ કેર સહિતની સારવાર ઉપલબ્ધ રહેશે. ઉપરાંત, રોબોટિક સર્જરી, ડાયાલિસિસ યુનિટ અને ડે-કેર સુવિધાઓ પણ તબક્કાવાર શરૂ કરવામાં આવશે.

આંતરરાષ્ટ્રીય સહયોગ
લિલાવતી હોસ્પિટલ (Lilavati Hospital )એ દર્દી સંભાળ અને વૈશ્વિક ધોરણોને મજબૂત બનાવવા માટે Mayo Clinic Global Consulting સાથે સહયોગ કર્યો છે, જે આરોગ્ય સેવાઓમાં ગુણવત્તા વધારવામાં મદદરૂપ બનશે.

GIFT City માટે મહત્વપૂર્ણ પગલું
વિશ્વસ્તરીય નાણાકીય અને ટેક્નોલોજી હબ તરીકે વિકસતા GIFT City માટે આ હોસ્પિટલ એક મહત્વપૂર્ણ આરોગ્ય ઇન્ફ્રાસ્ટ્રક્ચર ઉમેરો ગણાય છે. આથી ગુજરાત તેમજ આસપાસના રાજ્યોના દર્દીઓને અદ્યતન સારવાર માટે હવે મુંબઈ જવાની જરૂર ઘટશે.


www.gujaratupdats.com