જાણો અમદાવાદથી ધોલેરા કેટલી મિનિટમાં પહોંચાશે?

અમદાવાદ-ધોલેરા વચ્ચે 220 કિમી પ્રતિ કલાકની સેમિ હાઈ-સ્પીડ રેલવે લાઇન મંજૂર

13 May 2026 Gujarat Update Team: વડાપ્રધાન Narendra Modiની અધ્યક્ષતામાં મળેલી કેન્દ્રીય કેબિનેટ બેઠકમાં દેશના ઈન્ફ્રાસ્ટ્રક્ચર, કૃષિ અને ઉર્જા ક્ષેત્રને મજબૂત બનાવતા ચાર મહત્ત્વના નિર્ણયો લેવામાં આવ્યા છે. ખાસ કરીને ગુજરાત માટે આ બેઠક ઐતિહાસિક સાબિત થઈ છે, કારણ કે અમદાવાદ (સરખેજ)થી ધોલેરા સુધીના સેમિ હાઈ-સ્પીડ ડબલ લાઇન રેલવે પ્રોજેક્ટને સત્તાવાર મંજૂરી મળી છે. આ મહત્ત્વાકાંક્ષી પ્રોજેક્ટ માટે અંદાજે ₹20,665 કરોડનો ખર્ચ થવાનો છે.

કેન્દ્રીય રેલવે મંત્રી Ashwini Vaishnawએ માહિતી આપતાં જણાવ્યું કે કેબિનેટ બેઠકમાં કુલ ₹3,18,165 કરોડની વિવિધ યોજનાઓને મંજૂરી આપવામાં આવી છે. સરકારનો આ નિર્ણય દેશના આર્થિક વિકાસ અને ઔદ્યોગિક પ્રગતિ માટે મહત્વપૂર્ણ પગલું માનવામાં આવી રહ્યું છે.

VIDEO | Delhi: During cabinet briefing, Union Minister Ashwini Vaishnaw (@AshwiniVaishnaw) says, “Everyone is aware of the kind of geopolitical situation we are facing today. In such circumstances, we have to take all the necessary decisions to become self-reliant. In that… pic.twitter.com/t5xI9OfDBL

— Press Trust of India (@PTI_News) May 13, 2026

ધોલેરા માટે ગેમ-ચેન્જર બનશે સેમિ હાઈ-સ્પીડ રેલ પ્રોજેક્ટ
આજે કેબિનેટ બેઠકમાં અમદાવાદથી ધોલેરા સુ સેમિ હાઈ-સ્પીડ રેલ પ્રોજેક્ટની મંજૂરી આપવામાં આવી છે. જેની પાછળ અંદાજે રૂ. 20,665 કરોડનો ખર્ચ કરાશે. અમદાવાદથી ધોલેરા સુધીનો સેમિ હાઈ-સ્પીડ રેલવે પ્રોજેક્ટ ગુજરાતના ભવિષ્ય માટે અત્યંત મહત્વનો ગણાઈ રહ્યો છે. ધોલેરા સ્પેશિયલ ઈન્વેસ્ટમેન્ટ રિજન (SIR)ને ભારતના સૌથી મોટા ઇન્ડસ્ટ્રીયલ અને સેમિકન્ડક્ટર હબ તરીકે વિકસાવવામાં આવી રહ્યું છે. ત્યાં ભારતનો પ્રથમ સેમિકન્ડક્ટર પ્લાન્ટ પણ તૈયાર થઈ રહ્યો છે. આ રેલવે લાઇનની સૌથી મોટી ખાસિયત એ રહેશે કે આ ટ્રેનો 220 કિલોમીટર પ્રતિ કલાક સુધીની ઝડપે દોડી શકશે. આ પ્રોજેક્ટને વિશ્વની પ્રથમ બ્રોડ ગેજ આધારિત સેમિ હાઈ-સ્પીડ મિશ્ર ટ્રાફિક રેલ સિસ્ટમ તરીકે પણ જોવામાં આવી રહી છે, જેમાં મુસાફરી ટ્રેનો અને માલગાડીઓ એક જ ટ્રેક પર દોડી શકશે.

રેલવે મંત્રાલયના અંદાજ મુજબ અમદાવાદથી ધોલેરા સુધીની મુસાફરીનો સમય માત્ર 48 મિનિટ રહેશે. હાલમાં જે અંતર કાપવામાં કલાકો લાગી જાય છે તે હવે અડધા સમયમાં પૂરું થઈ શકશે. આથી ઉદ્યોગકારો, કર્મચારીઓ અને સ્થાનિક વેપારીઓને મોટી રાહત મળશે.

ધોલેરા બનશે ભારતનું આગામી ટેકનોલોજી કેન્દ્ર
ધોલેરામાં સેમિકન્ડક્ટર ઉદ્યોગ, સોલાર એનર્જી અને આધુનિક મેન્યુફેક્ચરિંગ સેક્ટરને પ્રોત્સાહન આપવા માટે કેન્દ્ર અને રાજ્ય સરકારો સતત મોટા નિર્ણયો લઈ રહી છે. તાજેતરમાં ધોલેરા અને સુરતમાં સેમિકન્ડક્ટર યુનિટ્સ માટે પણ કેન્દ્ર સરકારે હજારો કરોડના રોકાણને મંજૂરી આપી હતી. અમદાવાદ-ધોલેરા એક્સપ્રેસવે, આંતરરાષ્ટ્રીય એરપોર્ટ અને હવે સેમિ હાઈ-સ્પીડ રેલ પ્રોજેક્ટ મળીને ધોલેરાને વૈશ્વિક ઇન્ડસ્ટ્રીયલ હબ બનાવવામાં મહત્વપૂર્ણ ભૂમિકા ભજવશે. નિષ્ણાતોનું માનવું છે કે આગામી દાયકામાં ધોલેરા ભારતનું સૌથી મોટું સ્માર્ટ ઇન્ડસ્ટ્રીયલ શહેર બની શકે છે.

ખેડૂતો માટે MSP હેઠળ ₹2.60 લાખ કરોડની ફાળવણી
કેબિનેટ બેઠકમાં ખેડૂતોને મોટી રાહત આપતો નિર્ણય પણ લેવામાં આવ્યો છે. વર્ષ 2026-27ની ખરીફ સિઝન માટે લઘુતમ ટેકાના ભાવ (MSP) હેઠળ ₹2,60,000 કરોડનું બજેટ મંજૂર કરવામાં આવ્યું છે.સરકારના આ નિર્ણયથી ખેડૂતોને પાકના યોગ્ય ભાવ મળશે અને કૃષિ ક્ષેત્રમાં સ્થિરતા વધશે. MSPની જાહેરાત ખાસ કરીને કપાસ, મગફળી, તુવેર, સોયાબીન અને અન્ય ખરીફ પાકોના ઉત્પાદકો માટે લાભદાયક બની શકે છે.

કોલ ગેસિફિકેશન યોજના દ્વારા ઉર્જા ક્ષેત્રમાં આત્મનિર્ભરતા
દેશને ઊર્જા ક્ષેત્રે વધુ આત્મનિર્ભર બનાવવા માટે કેન્દ્ર સરકારે ₹37,500 કરોડની કોલ ગેસિફિકેશન સ્કીમને પણ મંજૂરી આપી છે. આ યોજના દ્વારા કોલસાથી ગેસ ઉત્પાદન વધારવામાં આવશે, જેના કારણે આયાત પરની નિર્ભરતા ઓછી થશે.

વિશેષજ્ઞોના મત મુજબ આ યોજના દેશના સ્ટીલ, ખાતર અને કેમિકલ ઉદ્યોગોને પણ મજબૂતી આપશે. સાથે જ સ્વચ્છ ઊર્જા તરફના ભારતના પ્રયાસોને વધુ વેગ મળશે.

નાગપુર એરપોર્ટના અપગ્રેડેશનને મંજૂરી
કેબિનેટ બેઠકમાં નાગપુર ઇન્ટરનેશનલ એરપોર્ટના આધુનિકીકરણ માટે પણ મહત્વપૂર્ણ નીતિગત નિર્ણય લેવામાં આવ્યો છે. આ અપગ્રેડેશન પછી એરપોર્ટની ક્ષમતા વધશે અને મધ્ય ભારતના હવાઈ કનેક્ટિવિટી નેટવર્કને વધુ મજબૂતી મળશે.

ગુજરાતના વિકાસને મળશે નવી ગતિ
કેન્દ્ર સરકારના તાજેતરના નિર્ણયો ગુજરાત માટે વિકાસની નવી તક લઈને આવ્યા છે. ધોલેરા પ્રોજેક્ટ, એક્સપ્રેસવે, સેમિકન્ડક્ટર મેન્યુફેક્ચરિંગ અને સેમિ હાઈ-સ્પીડ રેલવે જેવી સુવિધાઓ રાજ્યને દેશના સૌથી મોટા ઔદ્યોગિક અને ટેકનોલોજીકલ કેન્દ્રોમાં સ્થાન અપાવી શકે છે. આગામી વર્ષોમાં ધોલેરા માત્ર ગુજરાત જ નહીં પરંતુ સમગ્ર ભારતના આર્થિક વિકાસનું મુખ્ય કેન્દ્ર બની શકે છે. મોદી સરકારના આ નિર્ણયો દેશના ઈન્ફ્રાસ્ટ્રક્ચર અને ઉદ્યોગ ક્ષેત્રને નવી ઊંચાઈ પર લઈ જવાના પ્રયાસ તરીકે જોવામાં આવી રહ્યા છે.

www.gujaratupdates.com

અમારી WhatsApp ચેનલ માં જોડાવો : Click karo
અમારી Telegram ચેનલ માં જોડાવો : Click karo

આ પણ વાંચો :

‘મેક ઇન ઇન્ડિયા’ને ગતિ: સેમિકન્ડક્ટર ક્ષેત્રે ગુજરાતનો ડંકો

આ આર્ટિકલને તમારા સોશિયલ મીડિયા પર શેર કરવા નીચેના આઈકોન પાર ક્લિક કરો.