જાણો નવો કોમર્શિયલ ગેસનો ભાવ: સરકારનો મોટો નો ઝાટકો
મેમાં મોંઘવારીનો બ્લાસ્ટ: ગેસ સિલિન્ડર આકાશે!
New Delhi/ Ahmedabad 01 May 2026 Gujarat Updates Team :મે મહિનાની શરૂઆત સાથે જ મોંઘવારીનો મોટો ઝાટકો લાગ્યો છે. સરકારી ઓઈલ કંપનીઓએ 19 કિલોના કોમર્શિયલ એલપીજી સિલિન્ડરની કિંમતમાં ₹993નો ભારે વધારો કર્યો છે. આ વધારા બાદ દિલ્હી સહિત અનેક શહેરોમાં સિલિન્ડરનો ભાવ ₹3000ને પાર પહોંચી ગયો છે, જેનાથી હોટેલ, રેસ્ટોરન્ટ અને નાના વેપારીઓ પર સીધી અસર જોવા મળી રહી છે.
સામાન્ય જનતાને રાહત, વેપારીઓ પર ભાર
જ્યારે કોમર્શિયલ સિલિન્ડરની કિંમતોમાં તોતિંગ વધારો થયો છે, ત્યારે ઘરેલું (14.2 કિલો) એલપીજી સિલિન્ડરની કિંમતો યથાવત રાખવામાં આવી છે. આશરે 33 કરોડ ગ્રાહકોને આ નિર્ણયથી રાહત મળી છે. પેટ્રોલ, ડીઝલ અને PDS હેઠળના કેરોસીનના ભાવમાં પણ કોઈ ફેરફાર કરવામાં આવ્યો નથી.
કેમ થયો ભાવ વધારો?
સરકારી ઓઈલ કંપનીઓ મુજબ, આંતરરાષ્ટ્રીય બજારમાં ઈંધણની કિંમતોમાં વધારો થતા આ નિર્ણય લેવાયો છે. કોમર્શિયલ સિલિન્ડર વૈશ્વિક બેન્ચમાર્ક પર આધારિત હોવાથી તેની કિંમતમાં દર મહિને ફેરફાર થતો રહે છે.
ATF અને અન્ય ઈંધણમાં સ્થિરતા
એર ટર્બાઇન ફ્યુઅલ (ATF)ના દરોમાં આ વખતે કોઈ ફેરફાર કરવામાં આવ્યો નથી. એરલાઈન્સ અને મુસાફરોને આંતરરાષ્ટ્રીય મૂલ્ય અસ્થિરતાથી બચાવવા માટે આ નિર્ણય લેવાયો હોવાનું ઓઈલ કંપનીઓએ જણાવ્યું છે.
ઈરાન-અમેરિકા તણાવનો પ્રભાવ
અમેરિકા અને ઈરાન વચ્ચે વધતા તણાવને કારણે હોર્મુઝ જળમાર્ગ પર અસર પડી છે. ભારત માટે આ માર્ગ મહત્વપૂર્ણ છે કારણ કે અહીંથી મોટા પ્રમાણમાં તેલ અને ગેસની આયાત થાય છે. પુરવઠામાં ઘટાડો થતાં ભારતને વિકલ્પિક સ્ત્રોતોથી આયાત વધારવી પડી રહી છે, જેનાથી ખર્ચ વધી રહ્યો છે.
કોને પડશે વધુ અસર?
- હોટેલ અને રેસ્ટોરન્ટ ઉદ્યોગ
- કેટરિંગ સર્વિસ
- નાના વેપારીઓ
- ફૂડ ઈન્ડસ્ટ્રી
કુલ મળીને, પેટ્રોલિયમ ઉત્પાદનોના લગભગ 80% હિસ્સામાં કોઈ ભાવ વધારો થયો નથી, જે સામાન્ય ગ્રાહકો માટે રાહતરૂપ છે. પરંતુ કોમર્શિયલ સિલિન્ડરના વધારા કારણે વેપારીઓ માટે ખર્ચ વધવાની સંભાવના છે, જેનો અસર આગામી સમયમાં ખાદ્યપદાર્થોની કિંમતો પર પણ પડી શકે છે.
GujaratUpdates.comની WhatsApp ચાંનલ માં જોડાવો : https://whatsapp.com/channel/0029Vb7wDVu5K3zN9rX43R2m
