જાણો RBIની નવી Auto-Debit લિમિટ
Auto-Debitમાં મોટો ફેરફાર: હવે વારંવાર OTPની જરૂર નહીં
New Delhi, 22 April, 2026: Reserve Bank of India – RBI દ્વારા ડિજિટલ પેમેન્ટ ક્ષેત્રમાં મહત્વપૂર્ણ સુધારો કરવામાં આવ્યો છે. નવા ઈ-મંડેટ (e-mandate) નિયમો મુજબ હવે ₹15,000 સુધીના રિકરિંગ (Recurring) ઓટો-ડેબિટ ટ્રાન્ઝેક્શન માટે દરેક વખત OTP આપવાની જરૂર નહીં રહે.આ નિર્ણયથી Netflix જેવી OTT સબ્સ્ક્રિપ્શન, SIP ઇન્સ્ટોલમેન્ટ, ઇન્શ્યોરન્સ પ્રીમિયમ અને યુટિલિટી બિલ જેવી માસિક ચુકવણીઓ હવે વધુ સરળ અને ઝડપી બનશે.
શું છે નવો નિયમ?
* ₹15,000 સુધીના ઓટો-ડેબિટ પર હવે OTP ફરજિયાત નહીં
* પ્રથમ વખત e-mandate સેટ કરતી વખતે OTP જરૂરી રહેશે
* ₹15,000થી વધુ ટ્રાન્ઝેક્શન માટે હજુ પણ AFA (OTP) જરૂરી
* ખાસ કેટેગરી (SIP, ઇન્શ્યોરન્સ, ક્રેડિટ કાર્ડ બિલ) માટે મર્યાદા ₹1 લાખ સુધી
ગ્રાહકોને શું લાભ?
આ નવા નિયમથી સૌથી મોટો ફાયદો એ છે કે હવે OTP સંબંધિત સમસ્યાઓથી મુક્તિ મળશે. ઘણી વખત OTP મોડું આવે, નેટવર્ક ન હોય અથવા યુઝર ઉપલબ્ધ ન હોય ત્યારે પેમેન્ટ ફેલ થતું હતું. હવે તે સમસ્યા ઘટશે. તેના કારણ સબ્સ્ક્રિપ્શન બંધ થવાની શક્યતા ઘટશે. SIP અથવા ઇન્શ્યોરન્સ પેમેન્ટ સમયસર થશે. ડિજિટલ પેમેન્ટ વધુ વિશ્વસનીય બનશે
સુરક્ષા માટે RBIની કડક શરતો
સુવિધા સાથે સુરક્ષા પણ જાળવવામાં આવી છે:
* દરેક ટ્રાન્ઝેક્શન પહેલાં 24 કલાકનો પ્રિ-ડેબિટ એલર્ટ ફરજિયાત
* ટ્રાન્ઝેક્શન પછી પોસ્ટ-ડેબિટ સૂચના મળશે
* ગ્રાહકને ક્યારેપણ e-mandate રદ અથવા બદલવાની છૂટ
શું બદલાશે સામાન્ય યુઝર માટે?
હવે રોજિંદા જીવનમાં થતા નાના-મોટા પેમેન્ટ — જેમ કે મોબાઇલ બિલ, OTT, EMI — સરળતાથી ઓટો-ડેબિટ થઈ જશે. બીજી તરફ, મોટા ટ્રાન્ઝેક્શન માટે સુરક્ષા યથાવત રહેશે.
આ બદલાવ Reserve Bank of Indiaની “ફ્રિક્શનલેસ અને સેફ ડિજિટલ પેમેન્ટ” તરફની મોટી પહેલ માનવામાં આવી રહી છે. નવા e-mandate નિયમો ડિજિટલ ઈન્ડિયામાં ગ્રાહકોને વધુ સુવિધા અને સુરક્ષા બંને આપે છે. હવે ઓટો-ડેબિટ સિસ્ટમ વધુ વિશ્વસનીય બનશે અને “OTP ઝંઝટ”થી રાહત મળશે.
www.gujaratupdates.com
