રાજકોટમાં ખાખી પર ગંભીર સવાલ
રાજકોટમાં હેડ કોન્સ્ટેબલ ઇમરાન રાઉમા પર દુષ્કર્મ અને બ્લેકમેલના ગંભીર આરોપ, ધરપકડ
16 May 2026 Gujarat Updates Team : રાજકોટ શહેરમાંથી પોલીસ વિભાગને શરમજનક બનાવતો એક ગંભીર કેસ સામે આવ્યો છે, જેમાં એક હેડ કોન્સ્ટેબલ પરહિન્દુ પરિણીત મહિલાને દુષ્કર્મ, બ્લેકમેલ અને સતત ધમકી આપવાના આરોપો લાગ્યા છે. આ મામલામાં પોલીસ દ્વારા તાત્કાલિક કાર્યવાહી કરીને આરોપી હેડ કોન્સ્ટેબલ ઇમરાન રાઉમાની ધરપકડ કરવામાં આવી છે અને વધુ તપાસ શરૂ કરવામાં આવી છે.
પ્રાપ્ત વિગતો અનુસાર, પીડિત મહિલા લાંબા સમયથી આરોપીના પડોશમાં રહેતી હતી. શરૂઆતમાં સામાન્ય ઓળખાણ બાદ આરોપીએ ધીમે ધીમે વિશ્વાસનો દુરુપયોગ કરી હિન્દુ મહિલાને નિશાન બનાવી હોવાનું ફરિયાદમાં જણાવાયું છે. મહિલાનો આક્ષેપ છે કે એક રાત્રે ઘરમાં એકલતાનો લાભ લઈને આરોપી ઘરમાં ઘૂસી આવ્યો અને બળજબરીપૂર્વક દુષ્કર્મ આચર્યું.
ફરિયાદ મુજબ, ઘટનાના બાદ આરોપીએ મહિલાને તેની ખાનગી તસવીરો અને વિડિઓ દ્વારા બ્લેકમેલ કરવાનું શરૂ કર્યું હતું. સાથે જ પોલીસની ખાખી વર્દી અને પોતાના પદનો દુરુપયોગ કરી મહિલાને સતત ડરાવવામાં આવતી હતી. આરોપીએ ગંભીર પરિણામોની ધમકીઓ આપીને પીડિતાને ફરિયાદ કરવા ન દેવાનો પ્રયત્ન કર્યો હોવાનો પણ આક્ષેપ છે.
આ કેસમાં વધુ એક ચોંકાવનારો મુદ્દો એ છે કે આરોપીએ પીડિતાની નાની દીકરી સામે પણ અશોભનીય વર્તન કર્યું હોવાના આરોપો સામે આવ્યા છે, જેના કારણે પરિવાર ભારે માનસિક આઘાતમાં છે.
લાંબા સમય સુધી ડરના માહોલમાં જીવ્યા બાદ અંતે પીડિતાએ હિંમત કરીને પોલીસ કમિશનર કચેરીમાં ફરિયાદ નોંધાવી હતી. ત્યારબાદ રાજકોટ પોલીસ તાત્કાલિક હરકતમાં આવી અને આરોપી હેડ કોન્સ્ટેબલને ઝડપી લીધો હતો.
પોલીસે આ મામલે ગંભીર કલમો હેઠળ ગુનો નોંધ્યો છે અને મોબાઇલ ડેટા, ડિજિટલ પુરાવા તેમજ પીડિતાના નિવેદનોના આધારે તપાસ આગળ વધારી રહી છે.
આ ઘટના બાદ શહેરમાં ભારે ચકચાર મચી ગઈ છે. પોલીસ વિભાગે જણાવ્યું છે કે કેસની તપાસ નિષ્પક્ષ રીતે કરવામાં આવશે અને કાયદા મુજબ કડક કાર્યવાહી કરવામાં આવશે.
આ કેસે ફરી એકવાર પોલીસ તંત્રની અંદર જવાબદારી અને સત્તાના દુરુપયોગ જેવા મુદ્દાઓને ચર્ચામાં લાવ્યા છે. હાલ સમગ્ર મામલાની તપાસ ચાલુ છે અને વધુ ખુલાસા થવાની શક્યતા છે.
અમારી WhatsApp ચેનલ માં જોડાવો : Click karo
અમારી Telegram ચેનલ માં જોડાવો : Click karo
આ પણ વાંચો :
આ આર્ટિકલને તમારા સોશિયલ મીડિયા પર શેર કરવા નીચેના આઈકોન પાર ક્લિક કરો.
