અમરેલીમાં ધરતી ધ્રૂજી!

Amreli, 08 April , 2026: Gujarat Updates Team: ગુજરાતના ભૂકંપ સંવેદનશીલ વિસ્તારોમાં ફરી એકવાર ધરતીકંપની હલચલ નોંધાઈ છે. Amreli જિલ્લાના સાવરકુંડલાના મીતીયાળા પંથકમાં વહેલી સવારે સતત આંચકાઓ અનુભવાતા સ્થાનિક લોકોમાં ભારે ફફડાટ ફેલાયો હતો. માત્ર ચાર કલાકના ટૂંકા ગાળામાં સાતથી આઠ જેટલા ભૂકંપના આંચકા નોંધાતા લોકો ઘરની બહાર દોડી આવ્યા હતા.

મીતીયાળા પંથક બન્યું કેન્દ્રબિંદુ
ભૂકંપનું કેન્દ્રબિંદુ અમરેલીથી આશરે 43 કિલોમીટર દૂર વાંકિયા ગામ નજીક નોંધાયું હતું. એક આંચકાની તીવ્રતા 3.3 રિક્ટર સ્કેલ પર નોંધાઈ હોવાની પુષ્ટિ કરવામાં આવી છે.સાવરકુંડલા તાલુકાના મીતીયાળા ગામ અને આસપાસના વિસ્તારોમાં ધરતી વારંવાર ધ્રૂજતા લોકોમાં ભયનો માહોલ સર્જાયો હતો. આ આંચકાઓનો પ્રભાવ ભાડ, નાનુંડી, ધજડી, સાકરપરા, વાંકિયા, ખાંભા અને ઈંગોરાળા જેવા ગામોમાં પણ જોવા મળ્યો હતો.

સમય અનુસાર આંચકાની વિગત :ગાંધીનગર સ્થિત સિસ્મોલોજી વિભાગ મુજબ, આંચકાઓ નીચે મુજબ નોંધાયા:

• 🕓 સવારે 04:15 — 1.8 તીવ્રતા
• 🕓 સવારે 04:16 — 2.3 તીવ્રતા
• 🕓 સવારે 04:24 — 1.0 તીવ્રતા
• 🕔 સવારે 04:57 — 1.4 તીવ્રતા
• 🕖 સવારે 07:00 — 2.2 તીવ્રતા
• 🕖 સવારે 07:15 — 3.58 તીવ્રતા (સૌથી શક્તિશાળી)
• 🕗 સવારે 07:51 — 1.5 તીવ્રતા

સવારના 7:15 વાગ્યે આવેલા સૌથી મોટા આંચકાએ લોકો ઊંઘમાંથી જાગી ગયા હતા. લોકોમાં ફેલાયો ભય વારંવાર આવતા આંચકાઓને કારણે લોકોમાં ભારે ભયનો માહોલ જોવા મળ્યો હતો. ઘણા લોકો પોતાના ઘર છોડીને ખુલ્લા મેદાનમાં એકઠા થઈ ગયા હતા. હાલમાં કોઈ જાનહાનિ કે મોટા નુકસાનના અહેવાલો નથી, પરંતુ તંત્રએ સાવચેત રહેવા સૂચના આપી છે.

ગુજરાત: ભૂકંપ માટે સંવેદનશીલ રાજ્ય :
Gujarat તેની ભૌગોલિક રચનાને કારણે ભૂકંપ માટે અત્યંત સંવેદનશીલ રાજ્ય ગણાય છે. રાજ્યને ઝોન 2 થી ઝોન 5 સુધી વહેંચવામાં આવ્યું છે, જેમાં કચ્છ વિસ્તાર સૌથી જોખમી ઝોનમાં આવે છે.

છેલ્લા એક મહિનાનો ટ્રેન્ડ: માર્ચ 2026 દરમિયાન રાજ્યના વિવિધ વિસ્તારોમાં સતત નાના-મોટા આંચકાઓ નોંધાયા છે:

• અમરેલી, રાજકોટ, બોટાદ, મહુવા, ઉના વિસ્તારમાં હલચલ
• કચ્છના ભચાઉ અને દૂધઈમાં 3.3 થી 3.4 તીવ્રતા
• દક્ષિણ ગુજરાતના વાંસદા અને દાહોદમાં પણ આંચકા

એક મહિનામાં કુલ 15 જેટલા આંચકાઓ નોંધાયા હોવાનું સિસ્મોલોજી વિભાગે જણાવ્યું છે.

www.gujaratupdates.com